Оваа е една од моите омилени торти од две причини: подготовката наликува на детска игра, а на крај добиваш нешто и убаво и вкусно. Зебра тортата е мека, не премногу влажна, ниту пак сува, не премногу блага, токму онаква каква ја посакувате после долг работен ден.
ЗА РЕЦЕПТОТ
Порции: 12 големи парчиња
Време за подготовка: 15 минути
Време за печење: 30 минути
СОСТОЈКИ
- 300g. брашно (сенаменско)
- 2 лажички пециво (ако користите наменско брашно за колачи, тогаш не мора пециво)
- 250ml. сончогледово масло
- 250g. шеќер
- 100ml. млеко
- 4 свежи јајца на собна температура
- 1 лажица ванила
- 30g. какао
НАСОКИ ЗА ПОДГОТОВКА
- Загрејте ја рерната на 180C/360F.
- Започнете со мешање на шеќерот, јајцата, маслото и млекото.
- Штом овие четири состојки добро се соединат поделете ја мешавината во два сада. Внимавајте и двата сада да имаат приближно иста количина.
- Во едниот сад додадете ванила, една лажичка пециво и 170g. брашно. Измешајте ги состојките добро, ова е вашата ванила смеса.
- Во другиот сад додадете го какаото, лажичка пециво и 130g. брашно. Повторно добро измешајте, ова ќе биде вашата какао смеса.
- Намрсете тепсија 24см., покријте со хартија за печење и намрсете ја хартијата.
- Почнете со истурање една лажица од ванила смесата во центарот на тепсијата, потоа во средината на ванила смесата истурете лажица какао смеса и се така наизменично. Како што додавата по една лажица, смесата се разлева, и додека ги употребите и двата дека, смесата веќе ќе достигне до работ на тепсијата.
- Печете околу 30 минути, повеќе или помалку зависи од вашата рерна, проверете со дрвена чепкалка, ако излезе чиста значи тортата е печена.
- Оставете да се излади а потоа послужете. Уживајте!
За повеќе детали како да го подготвите овој рецепт, погледнете го видеото подолу.
