Здрава зелена супа

Здрава зелена супа

За сите оние кои превртуваат очи кога ќе се спомна зелени посни супи, овој рецепт е баш за вас. Супа полна со хранливи состојки и богат вкус, не треба да ми верувате, пробајте и уверете се сами!

ЗА РЕЦЕПТОТ

Порции: 8 порции

Време за подготовка: 10 минути

Време за готвење: 10 минути

СОСТОЈКИ

  • 1 глава брокула (~200g.)
  • 1 грст спанаќ
  • 1 грст магдонос
  • 1 кромид
  • 1 компир
  • 1l. вода
  • 1 коцка бујон
  • 1 мажичка сув босилек
  • 1 лажичка свежо изрендан ѓумбир
  • 1 лажица маслиново масло
  • 1 лажица сусамов таан
  • сол и бибер по вкус

НАСОКИ ЗА ПОДГОТОВКА

  • За да ја приготвите оваа супа започнете со запржување на ситно исецкан кромид во маслиново масло.
  • Штом омекне кромидот додадете ги босилекот и ѓумбирот. Мешајте за вкосовите да навлезат во маслото.
  • Додадете ја водата, коцката бујон, компирот, стеблото од брокулата исецкано на парчиња. Штом водата зоврие, намалете ја температурата и оставете да се вари на тивок оган неколку минути.
  • Додадете ја останатата брокула, спанаќот, магдоносот, таанот и зачините и оставете да крчка уште десетина минути на тивок оган.
  • Тргнете од оган и блендирајте додека не ја добиете посакуваната конзистенција. Послужете ја топла. 

За повеќе детали како да го подготвите овој рецепт, погледнете го видеото подолу.

Напишете коментар

Close Menu