Здрава, домашна гранола

Здрава, домашна гранола

Слатка, крцкава, здрава и превкусна! Совршена за парфеа со овошје, врз салати, сладолед или сама за себе како идеа за ужина. Овој рецепт за домашна гранола е полн со хранливи состојки, лесен за подготовка и може да се чува во замрзнувач неколку месеци.

ЗА РЕЦЕПТОТ

Порции: одприлика 20 порции

Време за подготовка: 10 минути

Време за печење: 20 минути

СОСТОЈКИ

  • 1 шоља овесни снегулки
  • 1 шоља јаткасти плодови, по ваш избор
  • 1 ½ шоља семиња
  • 1/3 шоља растително масло
  • 1/4 шоља чиа семе
  • 1/4 шоља мелено ленено семе
  • 1 шоља суво овошје по ваш избор
  • 1/2 шоља мед
  • 2 лажици какао
  • 1 лажичка сол
  • 1 лажичка цимет

НАЧИН НА ПОДГОТОВКА

  • Започнете со загревање на рерната на 150C /300F. 
  • Измешајте ги освесните снегулки, јатките и семињата во голем сад.
  • Истурете го маслото и медот, додадете го какаото, солта и циметот за да се нагласи вкусот на состојките
  • Штом се измешаат префрлете во тава за печење прекриена со хартија за печење. Распоредете ја гранолата низ целата површина за рамномерно да се пече.
  • Печете 10 минути на 150С, потоа извадете ја, измешајте и вратете во рерната уште 10 минути. 
  • Откако ќе се испече, додадете ги чиа семето и меленото ленено семе.
  • Додадете суво овошје за уште подобар вкус, текстура и хранливост. Измешајте се заедно.

За повеќе детали како да го подготвите овој рецепт, погледнете го видеото подолу

Напишете коментар

Close Menu