Топчињата со јатки и семиња се одлична ужина кога брзате или кога ви треба малку енергија. Рецептот за овие топчиња е добар избор кога ви се јаде нешто што е и вкусно и здраво. Овие топчиња се полни со хранливи состојки, слатки, крцкави и многу лесни за подготовка.
ЗА РЕЦЕПТОТ
Порции: одприлика 40 топчиња
Време за подготовка: 10 минути
Време за ладење: 30 минути
СОСТОЈКИ
- 150 g. бадеми
- 50 g. овесни снегулки
- 100 g. кикирики
- 120 g. мешани семиња (сончогледово, ленено и семки од тиква)
- 25 g. чиа семе
- 100 g. мелени бисквити
- 100 g. суво грозје
- 130 g. путер од кикирики
- 100 g. искиснати урми без семка
- 1 лажица мед
НАСОКИ ЗА ПОДГОТОВКА
- За подготовка едноставно сомелете ги сите јаткасти плодови и семиња во процесор.
- Потоа додадете им го путерот од кикирики, урмите и медот за да се соединат јатките и семињата.
- Штом се добро се измеша, оставете да отстои во фрижидер околу 30 минути.
- Од смесата направете топчиња околу 3см големи. Уживајте!
За повеќе детали како да го подготвите овој рецепт, погледнете го видеото подолу.
