• За да го подготвите тартот, почнете со кршење на бисквитите додека не добиете ситни трошки. Колку поситни, подобро.  
• Додајте го стопениот путер и притиснете ја смесата во сад за печење тарт. 
• Чувајте го во фрижидер околу еден час да се излади и здрви, во тоа време подгответе го кремот од лимон и кремот од маскарпоне.
• За да го подготвите кремот од лимон, измешајте ги сите состојки во огноотпорен сад поставен врз тенџере во кое врие вода, но внимавајте огнот да не е пресилен. Мешајте со маталка се додека не се спојат убаво и кремот не се згусти и стане сјаен, густ и кремав.
• Поминете го кремот низ сито, покријте со пластична фолија и ставете го во фрижидер да отстои се додека не ви е потребен за користење. Многу е важно пластичната фолија да ја допира површината на кремот, во спротивно ќе се создаде кора.
• За маскарпоне кремот, најпрво изматете го шлаг кремот, потоа додадете го маскарпонето и матете ги заедно уште минута две.
• Штом се соединат двете состојки, изладете го кратко, и ќе бидете подготвени за комбинирање на трите елементи.
• Наполнете ја оладената кора од бисквити, со маскарпоне крем и украсете со кремот од лимон.
• Доколку сакате кремав десерт послужете веднаш, но може и да го изладите за да добите конзистенција како на сладолед. Уживајте!

За повеќе детали како да го подготвите овој рецепт, погледнете го видеото подолу.