• Загрејте ја рерната на 160C.
• За да го подготвите мекиот паднишпан најпрво одделете ги во различни садови белките и жолчките.
• Во садот со жолчките додадете ги сите состојки освен брашното.
• Мешајте додека се добро не се соедини. Потоа додавајте го брашното малку по малку, со просејување низ сито и со превиткување со шпатула.
• Белките во другиот сад, добро изматете ги додека не добиете цврсти врвови.
• Додајте ги белките во смесата со жолчки, внимателно превиткувајќи ги малку по малку. Финалната смеса треба да е бледо жолта, мазна и воздушеста.
• Префрлете ја смесата во тепсија за печење со дно што се отстранува, претходно намрсена и обложена со хартија за печење.
• Дното на тепсијата прекријте го со алуминиумска фолија и ставете ја тепсијата во поголема тепсија/длабок плех. 
• Истурете врела вода во големата тепсија/плех, внимавајте нивото на водата да допира барем до половината на тепсијата со паднишпанот.
• Печете околу час и 20 минути. Никако не ја отворајте вратата од рерната додека се пече.
• Штом се испече оставете паднишпанот да се олади во тепсијата, а потоа пресечете го на половина.
• Врз едната половина намачкајте чоколаден крем или ганаш и една третина од шлагот.
• Додадете свежо овошје (некои цели, некои исецкани, некои згмечени) и попрскајте со лешници.
• Покријте со вториот дел од паднишпанот. Прекријте со шлаг насекаде  и декорирајте со преостанатото овошје и лешници. Уживајте!

За повеќе детали како да го подготвите овој рецепт, погледнете го видеото подолу.