Не само вкусен, овој рецепт е многу лесен, брз и не може да се згреши. Проја со спанаќ и сирење послужен со ајвар или чашка јогурт е одлична опција за доручек. Јас користев спанаќ зошто тоа имав при рака, но секако било кој темнолистест зеленчук како блитва или кељ одговараат исто така (испробано:)).
ЗА РЕЦЕПТОТ
Порции: 12 порции
Време за подготовка: 10 минути
Време за печење: 20 минути
СОСТОЈКИ
- 120 g./1 шоља пченкарно брашно
- 60 g./1/2 шоља сенаменско брашно
- 2 свежи јајца
- 1 лажичка пециво
- 120 ml./1/2 шоља масло
- 240 ml./1 шоља јогурт
- ~150g. бело сирење
- грст спанаќ
НАСОКИ ЗА ПОДГОТОВКА
- За да ја подготвите оваа проја започнете со матење на јајцата неколку минути се додека не се добро изматени.
- Потоа додадете ги сите состојки една по една, превиткувајќи ја смесата со шпатула како додавате за се добро да се соедини.
- Истурете ја сместаа во тава за печење – нема потреба да се намрси и набрашни.
- Печете во рерна на 200С околу 20-30 минути (нема потреба да се загрева рерната однапред). За да проверите дали е испечена, прободете ја пројата со дрвена чепкалка, ако чепкалката излезе чиста значи пројата е печена. Уживајте!
За повеќе детали како да го подготвите овој рецепт погледнете го видеото подолу.
