Перек топчиња

Перек топчиња

Зошто некој би печел переци дома? Бидејќи овие переци во форма на топчиња се толку вкусни и меки, а и не е потребно премногу време з подготовка.

ЗА РЕЦЕПТОТ

Порции: 12 топчиња

Време за подготовка: 20 минути

Време за печење: 12 минути

Време за стасување: 60 минути

СОСТОЈКИ

  • 300 g. брашно 
  • 180 ml. вода
  • 1 лажица шеќер
  • 10 g. сув квасец
  • 1 лажица сончогледово масло
  • 1 лажичка сол
  • 1 јајце за премачкување
  • крупна сол
  • 2l. вода
  • 50g. сода бикарбона

НАСОКИ ЗА ПОДГОТОВКА

  • Најпрво започнете со активирање на квасецот во топла вода и шеќер.
  • Додадете го квасецот заедно со солта и маслото во брашното и мешајте со миксер или рачно се додека состојките добро да се соединат и тестото да почне да се одлепува од страните на садот.
  • Намрсете го тестото, покријте и оставете да стаса околу еден час. За ова време ќе нарасне двојно.
  • Штом тестото стаса префрлете го на набрашнета површина и месете кратко додека не се лепи и може лесно да се работи со него. Поделете на мали топчиња. Оформете ги топчињата.
  • Загрејте ја водата, скоро до зовривање, додадете ја содата и едно по едно во течноста спуштете ги топчињата тесто да се готват кратко околу 30 секунди на едната и уште 30 секунди на другата страна. Гответе најмногу 3-4 топчиња во исто време. 
  • Извадете ги топчињата и наредете во намрсен плех за печење, премачкајте со јајце, зарежете ги со нож и испрскајте со сол. Печете на 200С во загреана рерна околу 10-15 минути или додека не добијат убава боја.

За повеќе детали како да го подготвите овој рецепт, погледнете го видеото подолу.

Напишете коментар

Close Menu