Печени макарони

Печени макарони

Со причина печените макарони се една од најомилените јадења насекаде низ светот. Овој рецепт е еден од оние кои моето семејство најмногу ги сака. Се надевам дека и вие ќе уживате.

ЗА РЕЦЕПТОТ

Порции: 8 порции

Време за подготовка: 25 минути

Време за печење: 20 минути

СОСТОЈКИ

за сосот од домати:

  • 1 кромид
  • 1 1/2 шоља сок од домати (или пасата)
  • 2 лажички суви зачини (босилек, оригано)
  • 2 лажички црвена пипер
  • 2 лажички сецкани маслинки
  • сол и бибер по вкус

за бешамел сосот

  • 30g. путер
  • 30g. брашно
  • 2 шољи (~500ml.) млеко
  • 1 лажичка тазе изрендано мускатно оревче
  • 1/2 лажичка бибер

за печените макарони

  • 400g. суви макарони
  • ~50g. кашкавал

НАСОКИ ЗА ПОДГОТОВКА

  • Започнете со запржување на ситно исецканиот кромид.
  • Штом омекне, додадете го сокот од домати и зачините, потоа оставете да зоврие, и штом зоврие намалете ја температурата и оставете да крчка на тивко околу 10 минути.
  • За да го спремите бешамел сосот, едноставно стопете го путерот во мало тенџерче, додадете го брашното и мешајте додека добро не се соединат, потоа додадете го млекото и зачините и континуирано мешајте додека сосот не згусне и стане кремав. 
  • Сварете ги макароните во солена врела вода согласно инструкциите на пакетчето.
  • Штом се зготвени, додадете го сосот од домати и измешајте убаво за сите макарони да се прекриени со сосот.
  • Во тава за печење ставете една третина од макароните, потоа премачкајте со бешамел сос и нарендајте кашкавал, потоа додадете ја втората третина макарони, па бешамел, па кашкавал и се така додека не ги искористите сите состојки. 
  • Печете околу 20 минути на 180С во загреана рерна. 
  • Штом се испече оставете малку да олади, околу 10 минути, а потоа уживајте!

За повеќе детали како да го подготвите овој рецепт, погледнете го видеото подолу.

Напишете коментар

Close Menu