Непечена мозаик торта

Непечена мозаик торта

Инспирирана од традиционалниот мозаик ролат, оваа непечена торта е забавна за подготовка и вистинско уживање за јадење! Ако имате малечки кои трчаат низ кујна и сакаат да се мешаат во се, викнете ги напомош, сигурно ќе уживаат во креирањето на ова чоколадно задоволство.

ЗА РЕЦЕПТОТ

Порции: 20 порции

Време за подготовка: 15 минути

Време за ладење: неколку часа

СОСТОЈКИ

  • 500 g. бисквити
  • 100 g. шеќер
  • 60 g. какао
  • 250 ml./1 шоља вода
  • 150 g. несолен путер
  • 200 g.+100 g чоколадо
  • 100 g. печени и мелени лешници

НАСОКИ ЗА ПОДГОТОВКА

  • Започнете со кршење на бисквитите на мали парчиња.
  • За да ја подготвите чоколадната смеса, додадете шеќер, како и вода во поголем сад и измешајте ги состојките, потоа префрлете во мало тенџере, додадете го путерот и варете на тивок оган 5-7 минути само додека путерот целосно не се растопи и течноста малку да се редуцира.
  • Тргнете го од оган и во жешката смеса со мешање додадете го чоколадото.
  • Штом чоколадото се стопи, истурете ја целата смеса врз бисквитите и мешајте додека целосно не се прекриени со чоколадниот прелив. На почеток ќе ви изгледа како премногу бисквити и премалку прелив, но со мешање ќе успеете да ги прекриете сите. 
  • Во сад ставете два слоја на пластична фолија. Стиснете ја смесата од бисквити во садот за да се формира полу топка. Ќе ви се чини дека нема се да собере, но само притискајте, ќе собере.
  • Изладете ја тортата добро, неколку часа, потоа превртете ја врз чинија за сервирање. Извадете ја пластичната фолија. 
  • Декорирајте ја тортата со топено чоколадо, малку трошки од бисквити и струготини од чоколадо. Уживајте!

За повеќе детали како да го подготвите овој рецепт, погледнете го видеото подолу.

Напишете коментар

Close Menu