Мисиркин стек во пиката сос

Мисиркин стек во пиката сос

Вкусниот пиката сос е одличен начин за комбинација со мисиркин или пилешки стек како опција за брза вечера во работни денови. Како што е случај со бројни вкусни рецепти, и овој има мал број на состојки, совршена комбинација на вкусови кои се надополнуваат меѓусебно.

ЗА РЕЦЕПТОТ

Порции: 2 порции

Време за подготовка: 10 минути

Време за готвење: 20 минути

СОСТОЈКИ

  • 2 мисиркини стека (~100g. секој) 
  • неколку лажици брашно
  • 1 лажица капари
  • 1/2 шоља бујон или бело вино
  • 1/3 шоња свежо исцеден лимонов сок
  • парче путер
  • грст сецкан магдонос
  • еден лимон сецкан на парчиња
  • сол и бибер по вкус
  • печен зеленчук како гарнир (опционо)

НАСОКИ ЗА ПОДГОТОВКА

  • Подготовката на овој вкусен оброк за помалку од половина час е едноставна. Започнете со валкање на стекот во брашното. Истресете го вишокот брашно. 
  • Во врела тава, на среден оган стопете го путерот и додате ги стековите. 
  • Гответе по околу пет минути од секоја страна (зависно колку е дебел стекот) се додека не забележите дека на средината имаат бела боја, а светло кафена однадвор. 
  • Извадете ги од тавата и во неа додадете ги капарите и бујонот. Гответе 5-7 минути додека сосот малку не се редуцира и згусни, потоа вратете го месото во тавата и додадете ги лимоновиот сок, парчињата лимон и магдоносот.
  • Гответе уште некоја минута само додека соковите не се затоплат, а потоа послужете со топол ориз, пире од компири или печен зеленчук како гарнир. 

За повеќе детали како да го подготвите овој рецепт, погледнете го видеото подолу. 

Напишете коментар

Close Menu