Канелони со печурки и модар патлиџан

Канелони со печурки и модар патлиџан

Барате вегетаријанско јадење кое би го сакале сите? Имам токму таков рецепт. Печени канелони полнети со фил од печурки и модар патлиџан, прелиени со вкусен бешамел сос и вашиот омилен кашкавал, спремни за околу од еден час.

ЗА РЕЦЕПТОТ

Порции: 6-8 порции

Време за подготовка: 10 минути

Време за готвење: 30 минути

Време за печење: 30 минути

СОСТОЈКИ

  • ~400 g. канелони спремни за печење
  • 1/2 шоља доматен сос
  • ~50 g. кашкавал

за бешамел сос:

  • 30 g. путер
  • 30 g. брашно
  • 240 ml./1 шоља млеко
  • 1/2 лажичка мелено мускантно оревче

за сосот за полнење:

  • ~400 g. печурки
  • 1 среден модар патлиџан
  • 1 кромит
  • 1 морков
  • 2-3 лажици растително масло
  • 1 лименка домати (~400g.)
  • 2 шољи вода
  • 1 коцка бујон
  • сол и бибер по вкус
  • 1 лажичка рендан ѓумбир
  • 1 лажица слатка црвена пипер
  • грст магдонос

НАСОКИ ЗА ПОДГОТОВКА

  • За да го подготвите вкусниот рецепт за канелони со печурки и модар патлиџан, започнете со подготовка на зеленчукот, ситно сецкање на кромид, морков, модар патлиџан, печурки и магдонос. 
  • Во заграена тава на среден оган, во малку растително масло, пропржете го кромидот додека омекне.
  • Потоа додадете го морковот, гответе неколку минути пред да ги додадате печурките и модриот патлиџан, едно по друго.
  • Штом сите зеленчуци омекнат, зачинете го сосот, додадете ја лименката со домати, водата и коцката бујон. 
  • Искршете ги доматите притискајќи ги со дрвена лажица за добро да се измешаат во полнењето.
  • Додадете слатка црвена пипер и гответе на тивок оган околу 20 минути, се додека најголем дел од течноста не испари. Додадете го магдоносот непосредно пред да го тргнете полнењето од огин.
  • Префрлете го полнењето во вреќичка за полесно полнење на канелоните.
  • За да го подготвите бешамел сосот, почнете со топење на путерот. Штом се стопи, додадете го брашното и мешајте непрекинато се додека брашното не е добро измешано со путерот, потоа додадете го млекото малку по малку, повторно мешајќи непрекинато се додека сосот не е густ и кремав. Изрендајте малку мускантно оревче.
  • Штом бешамелот ја постигне густината која ја сакате, што одприлика трае неколку минути, тргнете го од оган и почнете со полнење на канелоните.
  • Во тепсија за печење, истурете малку од полнењето и доматен сос. Наполнете ги канелоните, наредете ти легнати во тепсијата, прелијте ги со бешамел и рендан кашкавал.
  • Печете на 200С во загреана рерна околу 30 минути, се додека не добиеме убава златна боја. Уживајте!

За повеќе детали како да го подготвите овој рецепт, погледнете го видеото подолу. 

Напишете коментар

Close Menu