Чоколадно суфле

Чоколадно суфле

Чоколадното суфле има заслужена репутација како еден од од најдобрите чоколадни десерти на сите времиња. овој рецепт е особено лесен за подготовка, не содржи млечни производи, ни брашно, а сепак е неверојатно вкусен. Потребни ви се само неколку состојки кои сигурно веќе ги имате во вашата кујна.

ЗА РЕЦЕПТОТ

Порции: 3 порции

Време за подготовка: 10 минути

Време за печење: 15 минути

СОСТОЈКИ

  • 125 g. чоколадо
  • 2 жолчки (свежи и на собна температура) 
  • 4 белки (свежи и на собна температура) 
  • 20 g. шеќер, плус неколку лажички 
  • 10 g. какао
  • 60 g. стопен путер, плус една парче за намрсување на садовите
  • малку сол

НАСОКИ ЗА ПОДГОТОВКА

  • Започнете со загревање на рерната на 200С и подготовка на садовите за суфле – ремикенс – измачкајте ги со путер при што внимавајте со четката да правите вертикални движења нагоре на страните на садот. Тоа многу ќе помогне во кревањето на суфлето. Потоа посипете ја целата внатрешна површина со шеќер.
  • Изматете ги жолчките со шеќерот се додека не станат бледо жолти.
  • Во друг сад, изматете ги белките со малку сол се додека не добиете цврсти врвови. Не заборавајте дека и садот за матење и маталките треба да се чисти, на нив да нема ни вода ни мрснотија, зошто во спротивно нема да добиете убава бела пена од белки.
  • Во жолчките додадете го какаото, чоколадото исецкано на најмали парчиња што можете и путерот стопен и се уште жежок.
  • Измешајте ги сите состојки заедно. Ако топлината на путерот не е доволно за да се стопи чоколадото, можете да ја загреете кратко смесата во микробранова или врз топла вода. 
  • Додадете ги изматените белки, малку по малку, превиткувајќи ја смесата со шпатула, само додека смесата не се соедини. Истурете ја смесата во садовите.
  • Поминете со прстот по работ на суфлето, тоа ќе помогне за суфлето да порасне убаво.
  • Печете околу 15 минути на најниското ниво во рерната. Послужете ги во истата минута штом излезат од рерна, зошто многу брзо суфлето ќе спадне. Уживајте!

За повеќе детали како да го подготвите овој рецепт, погледнете го видеото подолу.

Напишете коментар

Close Menu