Печено пилешко со цитруси

Печено пилешко со цитруси

За сите љубители на пилешко месо, овој рецепт на печено пилешко со цитруси наједноставен и највкусен што може. Вкусните карамелизирани портокали и лимони печени во внатрешноста на пилето, го прават месото меко и сочно. Овој рецепт е одлична идеа за викенд семеен ручек сервиран со многу зеленчуци од страна.

ЗА РЕЦЕПТОТ

Порции: 8 порции

Време за подготовка: 15 минути

Време за печење: 1 час

СОСТОЈКИ

  • 1 пиле (моето беше околу 1.4kg)
  • 1 портокал
  • 1 лимон
  • 1 црвен кромид
  •  ~2 парчиња путер 
  • сол и бибер по вкус
  • ~1 лажичка суво оригано (може босилек или рузмарин)
  • растително масло 
  • 1/2 шоља вода

НАСОКИ ЗА ПОДГОТОВКА

  • Исечете ги цитрусните овошја и кромидот на големи парчиња и карамелизирајте ги во тава врз малку путер. 
  • Оставете ги цитрусите неколку минути во тавата потоа тргнете ги од огинот.
  • За подготовка на пилето најпрво зачинете го пилето одвнатре попрскувајќи го со сол, бибер и суво оригано. 
  • Со прстите одделете ја кожата од месото и наполнете под кожата со мали парчиња путер,
  • Наполнете ја внатрешноста на пилето со карамелизираниот кромид, портокал и лимон и затворете го пилето со прободување со дрвено стапче или шиење со кујнски конец.
  • Зачинете ја надворешноста на пилето со сол, бибер и суво оригано, а потоа пилето ставете го врз моркови (или компири) наредени во тава за печење.
  • Додадете уште зеленчуци по желба.
  • Сипете ја водата во тавата за печење, покријте со алуминиумска фолија и печете во загреана рерна на 200С околу 30 минути, а потоа тргнете ја фолијата и печете уште 30 минути или додека не добие убава златна боја. 

За повеќе детали како да го подготвите овој рецепт погледнете го видеото подолу.

Напишете коментар

Close Menu